سماجی دوری اختیار کرنےکا پیغام دینے والی کووڈ19 بائیک

ہندوستانی ریاست اگرتلہ میں لاک ڈاؤن کے دوران ایک یوٹیوبر نے ایک الیکٹرک موٹر بائیک بنائی ہے جس کا نام انہوں نے 'کووڈ19 بائیک' رکھا ہے۔

کورونا وائرس سے بچاؤ کے لیے سماجی دوری اختیار کرنے کے حوالے سے دنیا بھر سے عجیب و غریب واقعات دیکھنے میں آرہے ہیں، کسی نے سماجی دوری اختیار کرنے کے لیے کارڈ بورڈ کا گھیرا پہن لیا تو کسی نے درختوں پر ہی بسیرا کرلیا۔

اب حال ہی میں ہندوستانی ریاست اگرتلہ میں لاک ڈاؤن کے دوران ایک یوٹیوبر نے ایک الیکٹرک موٹر بائیک بنائی ہے جس کا نام انہوں نے 'کووڈ19 بائیک' رکھا ہے۔

نام کے اعتبار سے ہی اس بائیک کی خاصیت ظاہر ہورہی ہے ، اس بائیک کا ڈیزائن سماجی دوری کو خاص طور پر مدنظر رکھتے ہوئے تیار کیا گیا ہے۔

عموماً بائیک یا سائیکل میں دو لوگ مل کر ہی بیٹھتے ہیں، لیکن اس بائیک میں دونوں سیٹوں کا درمیانی فاصلہ کافی زیادہ ہے جو کہ سماجی دوری اختیار کرنے کے عین مطابق ہے۔

بائیک تیار کرنے والے 39 سالہ پرتھا ساہا کا کہنا تھا کہ ان دنوں ہر کوئی سماجی دوری اختیار کرنے پربات کر رہا ہے، جب کہ بہت سے لوگ اس کی خلاف ورزی بھی کر رہے ہیں، یہی وجہ تھی کہ میں نے سماجی دوری کی اہمیت سے متعلق پیغام کو پھیلانے کے بارے میں سوچا۔

پرتھا ساہا کی جانب سے تیار کی جانے والی یہ بائیک پٹرول سے چلتی ہے، جب کہ اس بائیک میں انہوں نے عام سائیکل کی سیٹوں کا استعمال کیا ہے اور دونوں سیٹوں کا درمیانی فاصلہ ایک میٹر ہے۔