پاکستان میں کورونا سے 385 افراد ہلاک اور مجموعی کیس کی تعداد 16800 سے زیادہ

ملک میں آج اب تک کورونا وائرس سے مزید 24 افراد جاں بحق ہوئے ہیں جس کے بعد ہلاکتوں کی مجموعی تعداد 385 ہوگئی ہے جبکہ نئے کیس سامنے آنے سے مصدقہ مریضوں کی تعداد 16817 تک جا پہنچی ہے۔

ملک میں آج اب تک کورونا وائرس سے مزید 24 افراد جاں بحق ہوئے ہیں جس کے بعد ہلاکتوں کی مجموعی تعداد 385 ہوگئی ہے جبکہ نئے کیس سامنے آنے سے مصدقہ مریضوں کی تعداد 16817 تک جا پہنچی ہے۔

جیو نیوز کے مطابق اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 146 افراد انتقال کر چکے ہیں جبکہ سندھ میں 112 اور پنجاب میں 106 افراد جاں بحق ہوئے ہیں۔

اس کے علاوہ بلوچستان میں 14، اسلام آباد 4 اور گلگت بلتستان میں 3 افراد مہلک وائرس کے باعث جاں بحق ہو چکے ہیں۔

آج بروز جمعہ ملک بھر سے اب تک کورونا کے مزید 344 کیس سامنے آچکے ہیں اور 24 افراد کی ہلاکتیں بھی ہوئی ہیں اور ان میں سے خیبرپختونخوا سے 314 کیس اور 24 ہلاکتیں اور اسلام آباد سے 30 کیس رپورٹ ہوئے ہیں۔