عمران خان: حکومت محنت کشوں کی زندگی کے معیار کو بہتر بنانے کے لئے پرعزم ہے

وزیر اعظم عمران خان کا کہنا ہے کہ ان کی حکومت محنت کشوں کی زندگی کے معیار کو بہتر بنانے کے لیے پرعزم ہے۔

وزیر اعظم عمران خان کا کہنا ہے کہ ان کی حکومت محنت کشوں کی زندگی کے معیار کو بہتر بنانے کے لیے پرعزم ہے۔

جیو نیوز کے مطابق وزیر اعظم عمران خان نے یوم مزدور کے حوالے سے اپنے پیغام میں کہا ہے کہ کسی بھی ملک کی معاشی ترقی میں ورکرز کا کردار بہت اہم ہے۔

انہوں نے یہ بھی کہا کہ یہ دن محنت کشوں کے تقدس اور ملکی اقتصادی کی ترقی کے لیے محنت کشوں کی اہمیت کے اعتراف کی علامت ہے، یہ دن ہمیں ان محنت کشوں کی یاد دلاتا ہے جنہوں نے اپنے حقوق کے لیے جانیں قربان کی ہیں۔

انہوں نے مزید کہا کہ کورونا کی وجہ سے سب سے زیادہ روزانہ اجرت پر کام کرنے والے متاثر ہوئے ہیں، موجودہ صورتحال میں حکومت نے بڑا مالی پیکج دیا ہے، مزدوروں اور محنت کشوں کے لیے 200 ارب روپے مختص کیے ہیں۔

عمران خان نے کہا کہ ہمارا مذہب سماجی انصاف کے اصولوں اور لوگوں کے حقوق کے احترام کا درس دیتا ہے، محنت کے لیے احترام، مزدوروں کے حقوق کو تسلیم کرنا ترقی کے عمل کے لیے بہت اہم ہے۔

اپنی بات جاری رکھتے ہوئے انہوں نے مزید کہا کہ حکومت محنت کشوں کے لیے کام کے ماحول اور ان کی زندگی کے معیار کو بہتر بنانے کے لیے پرعزم ہے اور اسی طرح ہم ترقی کے ثمرات کو معاشرے کے تمام طبقات کی خوشحالی میں بدلنے کے لیے بھی پرعزم ہیں۔