آئی او سی: کورونا وائرس كى وجہ سے اولمپکس 2020 چند ماہ کےلئے ملتوی
انٹرنیشنل اولمپک کمیٹی (آئی او سی) کے صدر تھامس بیچ اورجاپان کے وزیر اعظم شینزوآبے نے دنیا بھر میں کورونا وائرس کے باعث پیدا ہونے والی صورت حال کے پیش نظر اولمپکس کو چند ماہ کے لیے ملتوی کرنے کا اعلان کر دیا ہے۔
انٹرنیشنل اولمپک کمیٹی (آئی او سی) کے صدر تھامس بیچ اورجاپان کے وزیر اعظم شینزوآبے نے دنیا بھر میں کورونا وائرس کے باعث پیدا ہونے والی صورت حال کے پیش نظر اولمپکس کو چند ماہ کے لیے ملتوی کرنے کا اعلان کر دیا ہے۔
انٹرنینشل اولمپک کمیٹی کی جانب سے جاری اعلامیہ کے مطابق آئی او سی کے صدر تھامس بیچ، جاپان کے وزیر اعظم شینزوآبے، ٹوکیو 2020 آرگنائزنگ کمیٹی صدر ہاشیموتو، ٹوکیو کے گورنر کوئیکے یوریکو سمیت دیگر اعلیٰ حکام نے کووڈ-19 اور اولمپک گیمز ٹوکیو 2020 کے حوالے سے اجلاس میں شرکت کی، اور اس میں کورونا وائرس سے پیدا ہونے والی صورت حال کا جائزہ لیا گیا، اور ایتھلیٹس کو مقابلوں کے لیے تیاری کرنے میں درپیش مشکلات پر تبادلہ خیال بھی کیا گیا۔
اعلامیے کے مطابق آئی او سی کے صدر تھامس بیچ اورو جاپانی وزیر اعظم نے عالمی طور پر پھیلنے والی وبا کورونا وائرس کے حوالے سے تشویش کا اظہا کیا جس کے باعث نہ صرف لوگوں کی جانیں خطرے میں ہیں بلکہ گیمز کے لیے بین الاقوامی ایتھلیٹس کی تیاریوں پر بھی اثر پڑا ہے۔
اجلاس کے حوالے سے اعلامیے میں کہا گیا ہے کہ ملاقات بڑے دوستانہ ماحول میں ہوئی، اور دونوں رہنماؤں نے ٹوکیو 2020 کی آرگنائزنگ کمیٹی کے کام کو سراہا اور کورونا وائرس کے خلاف جاپان کے اقدامات کی تعریف کی،
دونوں رہنماؤں نے کہا کہ کورونا وائرس کے غیر متوقع اور غیر معمولی پھیلاؤ سے دنیا کی صورت حال خراب ہوئی ہے۔
انہوں نے مزید کہا کہ گزشتہ روز عالمی ادارہ صحت کے ڈائریکٹر جنرل ٹریڈروس گیبریسوس نے کہا تھا کہ کووڈ-19 کی وبا مزید پھیل رہی ہے اور متاثرین کی تعداد میں اضافہ ہورہا ہے۔
