پاکستان: کورونا سے مجموعی ہلاکتیں 209 اور کیسز 9749

پاکستان میں کورونا وائرس سے آج اب تک مزید 2 افراد جاں بحق ہوگئے ہیں جس کے بعد ملک میں مہلک وبا سے ہلاکتوں کی مجموعی تعداد 209 ہو گئی ہے جب کہ مزید نئے کیسز سامنے آنے کے بعد مصدقہ مریضوں کی تعداد 9749 تک پہنچ گئی ہے

پاکستان میں کورونا وائرس سے آج اب تک مزید 2 افراد جاں بحق ہوگئے ہیں جس کے بعد ملک میں مہلک وبا سے ہلاکتوں کی مجموعی تعداد 209 ہو گئی ہے جب کہ مزید نئے کیسز سامنے آنے کے بعد مصدقہ مریضوں کی تعداد 9749 تک پہنچ گئی ہے۔

جیو نیوز کے مطابق 209 ہلاکتوں میں سے اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 80 افراد انتقال کرچکے ہیں۔

اس کے علاوہ سندھ میں 66، پنجاب میں 51، بلوچستان میں 6 جب کہ گلگت بلتستان اور اسلام آباد میں تین، تین افراد اس مہلک وائرس کے باعث ہلاک ہوئے ہیں۔

آج بروز بدھ ملک بھر سے اب تک کورونا کے مزید 83 کیسز رپورٹ ہوئے ہیں اور 2 ہلاکتیں بھی سامنے آئی ہیں جن میں سے پنجاب میں 73 کیسز اور دو ہلاکتیں، اسلام آباد 9 کیسز اور آزاد کشمیر سے ایک کیس رپورٹ ہوا ہے۔