پاکستان: اداکارہ صبا قمر نے بھی کیا یوٹیوب چینل لانچ کرنے کا اعلان
پاکستانی شوبز انڈسٹری کی مشہور اداکارہ نے بھی لاک ڈاؤن میں اپنے فینس کا دل بہلانے اور ان کی بوریت کو دور کرنے کے لئے یوٹیوب چینل لانچ کرنے کا اعلان کیا ہے۔
پاکستانی شوبز انڈسٹری کی مشہور اداکارہ نے بھی لاک ڈاؤن میں اپنے فینس کا دل بہلانے اور ان کی بوریت کو دور کرنے کے لئے یوٹیوب چینل لانچ کرنے کا اعلان کیا ہے۔
عالمی وبا کورونا وائرس کی وجہ سے بہت سے ممالک میں لاک ڈاؤن نافذ ہے جس کے بعد کاروباری زندگی بہت زیادہ متاثر بھی ہورہی ہے۔ ایسے میں پاکستانی شوبز انڈسٹری سے تعلق رکھنے والی شخصیات بھی مصروف رہنے کے لئے نئے نئے طریقے ڈھونڈ رہی ہیں۔
کوئی اپنے گھر کی صفائی کررہا ہے تو کوئی نئے نئے کھانے بنانا سیکھ رہا ہے، دوسری جانب اداکارہ صبا قمر نے بھی خود کو مصروف رکھنے کا نیا طریقہ ڈھونڈ نکالا ہے۔
ڈان نیوز کے مطابق پاکستانی اداکارہ صبا قمر نے سماجی رابطے کی ویب سائٹ ٹوئٹر پر اعلان کیا ہے کہ وہ اپنا یوٹیوب چینل لانچ کرنے جارہی ہیں۔
ذرائع سے بات کرتے ہوئے صبا قمر نے کہا ہے کہ میں نے بہت غور کرنے کے بعد اپنا یوٹیوب چینل لانچ کرنے کا فیصلہ کیا ہے، میں اس پلیٹ فارم کے ذریعے اپنی رائے کا اظہار کرنا چاہتی ہوں، میں نے شوبز انڈسٹری میں بہت محنت کے بعد یہ مقام حاصل کیا ہے اور مجھے لگتا ہے اس دوران میں نے بہت کچھ سیکھا بھی ہے۔
اداکارہ نے مزید کہا ہے کہ میں ہمیشہ سے نوجوان نسل کے ساتھ کام کرنے کی خواہش مند رہی ہوں، اس سے میرے ٹیلنٹ میں بھی اضافہ ہوگا۔
خیال رہے کہ صبا قمر اپنے کیریئر میں کامیڈی، رومانوی اور سنجیدہ ہر طرح کا کردار ادا کر چکی ہیں۔
