پاکستان: ٹائیگرز فورس کو ملک گیر سطح پر آپریشنل کرنے کو ملی منظوری
پاکستان کے وزیراعظم عمران خان نے کورونا وائرس کے سدباب کےلئے بنائی گئی ٹائیگرز فورس کو ملک گیر سطح پر آپریشنل کرنے کی منظوری دے دی ہے۔
پاکستان کے وزیراعظم عمران خان نے کورونا وائرس کے سدباب کےلئے بنائی گئی ٹائیگرز فورس کو ملک گیر سطح پر آپریشنل کرنے کی منظوری دے دی ہے۔
دنیا نیوز کی تفصیلات کے مطابق پاکستان کے وزیراعظم عمران خان سے معاون خصوصی عثمان ڈار اور ثانیہ نشتر نے ملاقات کر کے ٹائیگر فورس کی رجسٹریشن اور ذمہ داریوں پر بریفنگ دی ہے۔ سیالکوٹ میں ٹائیگر فورس کے کامیاب ٹیسٹ رن اور آپریشنل تیاریوں سے بھی آگاہ کیا ہے۔
وزیراعظم نے رضا کار فورس سے خطاب کرتے ہوئے کہا ہے کہ ٹائیگر فورس کو سوموار سے پورے ملک میں متحرک کر دیا جائے گا اور میں خود سوشل میڈیا پلیٹ فارمز پر رجسٹرڈ نوجوانوں سے خطاب کروں گا۔
ذرائع کے مطابق وزیر اعظم کی ہدایات کے بعد عثمان ڈار متحرک ہوگئے ہیں اور بڑے پیمانے پر تیاریاں شروع کردی گئی ہیں،اس حوالے سے انہوں نے چیف سکریٹری پنجاب اور کمشنرز کے ساتھ ویڈیو لنک اجلاس کیا ہے۔
خیال رہے کہ ٹائیگر فورس بے روزگار مزدوروں کی نشاندہی بھی کرے گی، احساس پروگرام کے ذریعے بے روزگار مزدوروں کی مالی مدد کی جائے گی۔
ٹائیگر فورس ریلیف سرگرمیوں کے ساتھ ساتھ عوامی آگاہی کی زمہ داریاں بھی انجام دے گی، ٹائیگرز فورس سے مساجد، یوٹیلیٹی اسٹورز ،قرنطینہ سنٹز سمیت اہم مقامات پر خدمات لی جائیں گی۔
