پاکستان: پنجاب حکومت نے ملازمین کو ایک ماہ کی اضافی تنخواہ دینے کا کیا اعلان
پاکستان کے صوبۂ پنجاب کی حکومت نے پی ڈی ایم اے کے ملازمین کو ایک ماہ کی اضافی تنخواہ دینے کا اعلان کیا ہے۔
پاکستان کے صوبۂ پنجاب کی حکومت نے پی ڈی ایم اے کے ملازمین کو ایک ماہ کی اضافی تنخواہ دینے کا اعلان کیا ہے۔
جیو نیوز کے مطابق پنجاب کے وزیر اعلیٰ عثمان بزدار نے ناگہانی آفات سے نمٹنے والے صوبائی ادارے پراونشل ڈیز اسٹر مینیجمنٹ اتھارٹی (پی ڈی ایم اے) کے ملازمین کے لئے ایک ماہ کی اضافی تنخواہ کو منظوری دے دی ہے۔
واضح رہے کہ وزیر اعلیٰ پنجاب عثمان بزدار نے لاہور میں پی ڈی ایم اے پنجاب کے ہیڈ آفس کا دورہ کیا ہے اور کنٹرول روم کے مانیٹرنگ سسٹم کا بھی جائزہ لیا ہے۔ وزیر اعلیٰ پنجاب کو بتایا گیا ہے کہ بلوچستان اور دیگر صوبوں سے ممکنہ طور پر آنے والے ٹڈی دل کی مسلسل مانیٹرنگ کی جارہی ہے۔ بارکھان، ڈیرہ بگٹی، ڈیرہ مراد جمالی اور کشمور میں ٹڈی دل کے جھنڈ دکھائی دے رہے ہیں جب کہ صوبے میں 28 لاکھ ایکڑ رقبہ ٹڈی دل سے صاف کرایا جا چکا ہے۔
یاد رہے کہ اس موقع پر وزیر اعلیٰ پنجاب نے کہا ہے کہ پی ڈی ایم اے کی کارکردگی قابل تحسین ہے، ہنگامی صورتحال سے نمٹنے کے لئے پی ڈی ایم اے قابل قدر کردار ادا کر رہا ہے۔ انہوں نے ملازمین کی ایک ماہ کی اضافی تنخواہ کا اعلان کرتے ہوئے کہا ہے کہ اضافی تنخواہ پی ڈی ایم اے کے ملازمین کی کارکردگی کا اعتراف ہے۔
