پاکستان ریلوے کا 10 مئی سے ٹرین آپریشن جزوی بحال کرنے کا فیصلہ
پاکستان ریلوے نے ٹرین آپریشن 10 مئی سے جزوی طور پر بحال کرنے کا فیصلہ کر لیا ہے۔
پاکستان ریلوے نے ٹرین آپریشن 10 مئی سے جزوی طور پر بحال کرنے کا فیصلہ کر لیا ہے۔
ٹرین آپریشن کی بحالی سے قبل وزیر اعظم عمران خان سے حتمی منظوری لی جائے گی۔
ڈان نیوز کے مطابق وزارت ریلوے نے ٹرین آپریشن کی تیاریاں مکمل کرنے کے لیے ریلوے انتظامیہ کو ہدایات جاری کردی ہیں۔
ریلوے پہلے مرحلے میں چار صوبوں میں 24 ٹرینیں خصوصی انتظامات کے ساتھ چلائے گا اور یہ انتظامات 8 مئی تک مکمل کیے جائیں گے۔
ٹرین آپریشن شروع ہونے کے بعد مسافر ٹکٹ صرف آن لائن بکنگ کے ذریعے ہی حاصل کر سکیں گے، ٹرین کی 60 فیصد سیٹیں بُک ہونے کے بعد بکنگ روک دی جائے گی، تاکہ سماجی فاصلہ پالیسی پر سختی سے عمل کیا جاسکے گا۔
ٹرینیں چلنے کی صورت میں مسافروں کو ٹرین کی روانگی سے ایک گھنٹہ قبل اسٹیشن پہنچنا ہوگا، اسٹیشن سے 200 میٹر تک کے ایریا میں غیر ضروری افراد کے داخلے پر پابندی ہوگی، جبکہ مسافروں کے پاس اپنے ماسک، گلوز، سینیٹائزر اور صابن ہونا لازمی ہوگا۔
