پاکستان: ٹائیگر فورس کو آج 29 اپریل سے مکمل آپریشنل کردیا جائے گا

وزیر اعظم عمران خان کی ہدایت پر قائم ٹائیگر فورس ایکشن میں آگئی ہے۔ ٹائیگر فورس کا ٹیسٹ رن مکمل کرلیا گیا ہے جس کے بعد آج اسے آپریشنل کر دیا جائے گا۔ وزیر اعلیٰ پنجاب سردار عثمان بزدار فورس کا باضابطہ افتتاح کریں گے۔ ابتدائی طور پر سیالکوٹ میں نوجوانوں ک

وزیر اعظم عمران خان کی ہدایت پر قائم ٹائیگر فورس ایکشن میں آگئی ہے۔ ٹائیگر فورس کا ٹیسٹ رن مکمل کرلیا گیا ہے جس کے بعد آج اسے آپریشنل کر دیا جائے گا۔ وزیر اعلیٰ پنجاب سردار عثمان بزدار فورس کا باضابطہ افتتاح کریں گے۔ ابتدائی طور پر سیالکوٹ میں نوجوانوں کو ذمہ داریاں سونپی گئی ہیں جہاں نوجوانوں کو مساجد اور یوٹیلیٹی اسٹورز کے باہر تعینات کیا گیا ہے۔ رضا کاروں پر مشتمل فورس کو ضلعی انتظامیہ اور مقامی پولیس کا تعاون بھی حاصل رہے گا۔

 اب تک نیوز کے مطابق وزیر اعلیٰ پنجاب عثمان بزدار ٹائیگر فورس کا با ضابطہ آغاز کریں گے اور اس کے بعد مرحلہ وار ملک بھر کے نوجوانوں کو مکمل طور پر متحرک کر دیں گے۔ سیالکوٹ سے 20 ہزار سے زائد نوجوان ٹائیگر فورس کا حصہ بنے ہیں جس میں طالب علم، سوشل ورکرز، اساتذہ، انجینیرز اور ڈاکٹرز بھی فورس میں شامل ہے، اس کے علاوہ صحافی، قانون دان، میڈیکل ورکرز اور این جی اوز سے وابسطہ افراد نے بھی اس میں رجسٹریشن کروائی ہے۔

معاون خصوصی نے مزید بتایا ہے کہ مساجد اور یوٹیلیٹی اسٹورز میں سوشل ڈسٹنسنگ اور حکومتی گائیڈ لائنز کو یقینی بنایا جا رہا ہے، یوٹیلیٹی اسٹورز میں مطلوبہ سامان میسر نہ ہونے پر ضلعی انتظامیہ کو شکایت کی جا سکے گی۔