چڑیا گھر میں موجود ٹائیگر میں کورونا کی تشخیص
کورونا کے حملوں سے پالتو جانوروں کے بعد اب چڑیا گھر بھی محفوظ نہ رہے اور جنگلی جانوروں میں بھی وائرس کی تصدیق ہوگئی ہے۔
کورونا کے حملوں سے پالتو جانوروں کے بعد اب چڑیا گھر بھی محفوظ نہ رہے اور جنگلی جانوروں میں بھی وائرس کی تصدیق ہوگئی ہے۔
غیر ملکی خبر رساں ادارے کے مطابق نیویارک کے چڑیا گھر میں چار سال کی ملائشین ٹائیگر نادیہ کو خشک کھانسی تھی، جس پر اس کا کورونا ٹیسٹ کرایا گیا جو مثبت آیا ہے۔
چڑیا گھر انتظامیہ نے امید ظاہر کی ہےکہ ٹائیگر جلد صحت یاب ہو جائے گا۔
چڑیا گھر انتظامیہ کے مطابق 6 مزید شیروں میں بھی سانس میں دشواری کی علامات سامنے آئی ہیں، تاہم اب تک ان کے ٹیسٹ نہیں کیے گئے ہیں۔
انتظامیہ نے خدشہ ظاہر کیا ہے کہ ٹائیگر کو کورونا وائرس اس کے رکھوالے سے منتقل ہوا ہے۔
واضح رہے کہ اس سے قبل پالتو بلیوں اور کتوں میں بھی کورونا وائرس پایا جاچکا ہے، تاہم جنگلی جانور میں کورونا کا یہ پہلا کیس ہے۔
aXA6IDE4LjIxNy4yMDguNzIg ejasoft island