ماؤنٹ ایورسٹ پر فائیو جی کا ٹاور لگا دیا گیا ہے

کمپنی کی جانب سے جاری پریس ریلیز میں کہا گیا ہے کہ 6500 میٹر پر بھی فائیو جی بہترین انداز میں کام کررہی ہے اور 5300 میٹر پر قائم بیس کیمپ میں فائیو جی ڈاؤن لوڈ کی اسپڈ ایک اعشاریہ 66 جی بی ہے جبکہ اپ لوڈ کرنے کی رفتار 215 ایم بی پیز ہے۔

چینی کمپنی ہواوے اور چائنا موبائل نے ماؤنٹ ایورسٹ پر ساڑھے 6 ہزار میٹر کی بلندی پر فائیو جی (ففتھ جنریشن) کا ٹاور نصب کر دیا ہے جبکہ دنیا کی سب سے بلند چوٹی کی اونچائی 8848 میٹر ہے۔

 سچ ٹی وی کے مطابق کمپنی کی جانب سے جاری پریس ریلیز میں کہا گیا ہے کہ 6500 میٹر پر بھی فائیو جی بہترین انداز میں کام کررہی ہے اور 5300 میٹر پر قائم بیس کیمپ میں فائیو جی ڈاؤن لوڈ کی اسپڈ ایک اعشاریہ 66 جی بی ہے جبکہ اپ لوڈ کرنے کی رفتار 215 ایم بی پیز ہے۔

کمپنی کے مطابق یہ دنیا کا سب سے اونچا 5 جی اسٹیشن ہے؛ لہذا فائیو جی ٹاور نصب ہونے کے بعد کوہ پیمائی کرنے والے ہزاروں افراد انٹرنیٹ کی سہولت سے فائدہ اٹھا سکیں گے۔