پاکستان: سینما گھروں میں پہلی ترکش فلم ریلیز ہونے کے لئے تیار

پاکستان میں پہلی ترکش فلم "مریکل ان سیل نمبر 7" رواں سال 13 مارچ کو سینما گھروں میں نمائش کے لئے پیش کی جائے گی۔

پاکستان میں پہلی ترکش فلم "مریکل ان سیل نمبر 7" رواں سال 13 مارچ کو سینما گھروں میں نمائش کے لئے پیش کی جائے گی۔

ڈان نیوز کے مطابق یہ فلم سینما گھروں میں ترکش زبان میں ہی ریلیز ہوگی جبکہ انگریزی ترجمے کے سب ٹائٹل کے ساتھ پیش کی جائے گی۔

تفصیلات کے مطابق مریکل ان سیل نمبر 7 کی کہانی ذہنی طور پر بیمار ایک والد اور اس کی نوجوان بیٹی کے گرد گھومتی ہے۔ اس شخص کی زندگی اس وقت تبدیل ہو جاتی ہے جب اسے ایک ایسے جرم میں سزائے موت ملتی ہے جو اس نے کبھی کیا ہی نہیں ہے۔

فلم 'مریکل ان سیل نمبر 7' پاکستان میں ایچ کے سی انٹرٹینمنٹ کے بینر تلے ریلیز کی جا رہی ہے۔

خیال رہے کہ پاک بھارت تنازع کے بعد سینما گھروں میں بولی وڈ فلموں پر پابندی عائد کردی گئی تھی جس کے بعد ترکش فلم کی ریلیز یقیناً ایک مثبت اقدام ثابت ہوگا۔