چین نے 73 سیاحتی مقامات دوبارہ کھول دیے
نئے اور مہلک ثابت ہونے والی کورونا وائرس کی وبا سے سب سے پہلے متاثر ہونے والا ملک چین نے اپنے سب سے اہم شہر بیجنگ میں 73 سیاحتی مقامات کھول دیے ہیں۔
نئے اور مہلک ثابت ہونے والی کورونا وائرس کی وبا سے سب سے پہلے متاثر ہونے والا ملک چین نے اپنے سب سے اہم شہر بیجنگ میں 73 سیاحتی مقامات کھول دیے ہیں۔
نوائے وقت نیوز کے مطابق چین کے شہر ووہان جہاں سے کو وِڈ نائنٹین کی وبا پھیلی، وبا پر قابو پائے جانے کے بعد ایک اہم اقدام چین میں سامنے آیا ہے، دارالحکومت بیجنگ کے 73 سیاحتی مقامات کو سیاحوں کے لیے کھول دیا گیا ہے، بلاشبہ عالمگیر وبا کے دوران سیاحتی مقامات کھولنے والا بھی چین پہلا ملک بنا ہے۔
بیجنگ میں جو سیاحتی مقامات کھولے جا رہے ہیں وہ میونسپلٹی کے ٹوٹل مقامات کا 30.7 فی صد بنتے ہیں، یہ سب آؤٹ ڈور لینڈ اسکیپ ریزورٹس ہیں، ان میں گریٹ وال کے سیاحتی مقامات بھی شامل ہیں، جن میں سے ایک سیاحتی مقام کے دو دن بعد کھلنے کی توقع ہے۔بتایا گیا ہے کہ سیاحت کے دوران کورونا وائرس کے پھیلاؤ کے خدشے کو مد نظر رکھا جائے گا، اور ایسی خدمات پیش کی جائیں گی جن میں انسانوں کا ربط نہیں ہوگا، جیسا کہ موبائل پیمنٹ، ای ٹکٹ اور گائیڈ مشین وغیرہ۔
دوسری طرف سیاحوں کی تعداد بھی 30 فی صد تک مقرر کی گئی ہے. خبر میں بتایا گیا ہے کہ شنگھائی میں بھی مئی، جون میں دکانوں کو آدھی رات تک کھولا جائے گا۔ چین میں کورونا وائرس سے اب تک 4,632 افراد ہلاک ہو چکے ہیں جب کہ وائرس سے متاثر ہونے والے افراد کی تعداد 82 ہزار 700 سے بڑھ چکی ہے۔
aXA6IDMuMTQ2LjI1NS4xMjcg ejasoft island