حکومت پاکستان کی واٹس ایپ کے اشتراک سے 6 مقامی زبانوں میں خودکار ہیلپ لائن شروع
فیس بک کی معروف ترین میسجنگ سروس واٹس ایپ نے حکومت پاکستان کے ساتھ مل کر 6 مقامی زبانوں میں کورونا ہیلپ لائن شروع کی ہے۔
فیس بک کی معروف ترین میسجنگ سروس واٹس ایپ نے حکومت پاکستان کے ساتھ مل کر 6 مقامی زبانوں میں کورونا ہیلپ لائن شروع کی ہے۔
فیس بک نے ایک بیان میں بتایا ہے کہ پاکستان میں واٹس ایپ صارفین (1111166-300-92+) نمبر پر 6 مقامی زبانوں پشتو، سندھی، پنجابی، بلوچی اور کشمیر ی میں کورونا وائرس کے حوالے سے معلومات حاصل کر سکتے ہیں۔
جیو نیوز کے مطابق یہ خودکار چیٹ بوٹ سروس وزارت صحت کی طرف سے 24 گھنٹے شہریوں کو کورونا وائرس سے متعلق انتہائی عام سوالوں کے جواب ان کی پسندیدہ زبان میں دیتی ہے۔
یہ سروس کورونا وائرس کی روک تھام اور علامات، تازہ ترین کیسز، دیگر طبی معلومات سے متعلق موضوعات کے آپشن دیتی ہے۔
واٹس ایپ پر مفت ہاٹ لائن کے استعمال کے لئے محض یہ نمبر (1111166-300-92+) اپنے فون میں محفوظ کرلیں اور واٹس ایپ پر کوئی بھی پیغام بھیج کر گفتگو کا آغاز کردیں۔
یوزر کو مینو آپشن کا ایک سیٹ پیش کیا جاتا ہے جس کے ذریعے وہ وزارت قومی صحت سے مزید معلومات کی رہنمائی کےلئے انتخاب و ارسال کے آپشن کا استعمال کرسکتا ہے۔
