پاکستان کی معروف اداکارہ مایا علی اپنے بھائی کی شادی میں رخصتی کے وقت آبدیدہ ہوگئی تھیں۔
اے آر وائی کے مطابق مایا علی کے بھائی کی شادی پر رونے کی بھی بہت اہم وجہ ہے جو انہوں نے خود ہی بیان کردی ہے۔
اے آر وائی کے مطابق مایا علی کے بھائی کی شادی پر رونے کی بھی بہت اہم وجہ ہے جو انہوں نے خود ہی بیان کردی ہے۔
ذرائع کے مطابق اداکارہ نے رخصتی کے وقت بنائی جانے والی تصاویر اپنے سوشل میڈیا اکاؤنٹ پر شیئر کرتے ہوئے ایک جذباتی نوٹ لکھا جس میں وہ اپنے والد سے مخاطب تھیں۔ ان تصاویر میں مایا کی آنکھوں میں آنسو تھے اور وہ افسردہ کھڑی تھیں۔
تفصیلات کے مطابق اداکارہ نے اپنے جذباتی پیغام میں والد کو مخاطب کرتے ہوئے لکھا ہے کہ شادی ایک ایسا موقع ہے کہ جب سب ایک ساتھ جمع ہو کر خوشی مناتے ہیں لیکن بابا آپ موجود نہیں تھے، میں نے آپ کو سب جگہ دیکھا مگر گلے لگانے کے لئے آپ وہاں تھے ہی نہیں۔
مایا نے لکھا ہے کہ میرے ارد گرد آپ کے علاوہ سب ہی لوگ تھے، میں نے آپ کو بہت تلاش کیا، اللہ آپ کو جنت میں اعلیٰ مقام عطا فرمائے‘۔
واضح رہے کہ چند روز پہلے مایا علی کے بھائی عفان قریشی کی شادی کی تقریبات شروع ہوئی تھیں جن کی تصاویر سوشل میڈیا پلیٹ فارمز پر وائرل ہوگئی تھیں۔ مایا علی نے بھی اپنے بھائی کی شادی کی مہندی اور ولیمے کی تصاویر اپنے انسٹاگرام اکاؤنٹ پر شیئر کی تھیں جن میں وہ بہت خوش نظر آرہی تھیں۔
