پاکستان: سندھ حکومت نے لاک ڈاؤن ختم کرنے کی افواہوں کی تردید کردی

وزیر اطلاعات ناصر شاہ نے کہا ہے کہ لاک ڈاؤن ختم کرنے کا کوئی فیصلہ نہیں کیا گیا ہے۔ آج صرف لاک ڈاؤن میں نرمی کے حوالے سے مشاورت ہوئی ہے۔ حکومت چاہتی ہے کہ کاروباری سرگرمیوں کے لئے بنائی گئی ایس او پیز کے تحت رعایت دی جائے، تاہم مشاورت جاری ہے، مکمل ہونے پ

سندھ حکومت نے لاک ڈاؤن ختم کرنے کی افواہوں کی تردید کردی ہے۔

 اب تک نيوز کے مطابق وزیر اطلاعات ناصر شاہ نے کہا ہے کہ لاک ڈاؤن ختم کرنے کا کوئی فیصلہ نہیں کیا گیا ہے۔ آج صرف لاک ڈاؤن میں نرمی کے حوالے سے مشاورت ہوئی ہے۔ حکومت چاہتی ہے کہ کاروباری سرگرمیوں کے لئے بنائی گئی ایس او پیز کے تحت رعایت دی جائے، تاہم مشاورت جاری ہے، مکمل ہونے پر عوام کو آگاہ کیا جائے گا۔

انہوں نے کہا ہے کہ وزیر اعلیٰ سندھ کی اولین ترجیح عوام کی صحت اور زندگیوں کو محفوظ بنانا ہے۔ حفاظتی اقدامات کے بعد ایس او پیز کے مطابق کاروباری سرگرمیاں شروع کرنے کی اجازت دی جائے گی۔ فی الحال صرف آن لائن کاروبار کی اجازت دی گئی ہے۔